Сёння ўвечары, 23 траўня, у нямецкім горадзе Рэлінген-Зірсбург у 56-ы раз прайшоў міжнародны лёгкаатлетычны турнір International Pentecost Sport Meeting Rehlingen, які з'яўляецца бронзавым этапам World Athletics Continental Tour. У спаборніцтвах прыняў удзел 17-гадовы скакун з шастом Мацвей Волкаў. Нагадаем, што зусім нядаўна камісія па разглядзе пытанняў грамадзянства прыняла станоўчае рашэнне аб праве спартсмена прадстаўляць Беларусь на спаборніцтвах.

12 лютага 2021 года ў польскім Лодзе Мацвей Волкаў устанавіў вышэйшае сусветнае дасягненне сярод юнакоў - 5.60. Тры дні таму, выступаючы па-за конкурсам на Рэспубліканскай універсіядзе, ён пры моцным пераменлівым ветры паказаў вынік 5.40, і пасля адной няўдалай спробы на 5.62 адмовіўся ад далейшых скачкоў.

Сёння Мацвей пачаў свой выступ, калі планка была ўсталяваная на адзнацы 5.30, і заваяваў дадзеную вышыню з другой спробы. Наступны рубеж - 5.40-новаспечаны беларускі скакун прапусціў. 5.50 Волкаў таксама пераадолеў у другім выхадзе ў сектар, усталяваўшы тым самым новы асабісты рэкорд на адкрытым паветры. На жаль, планка на вышыні 5.60 спартоўцу не скарылася ў трох спробах, і ён завяршыў спаборніцтвы, заняўшы пятае месца.

Пераможцам турніру стаў немец Літа бэрэ бо Канда - 5.70. На другім радку пратакола з такім жа паказчыкам размясціўся галандскі спартсмен Рутгер Коппелаар. І трэцяе месца заняў яшчэ адзін скакун з Германіі Алег Зернікель - 5.60.

Віншуем Мацвея і яго бацьку-трэнера Канстанціна Волкава з годным пачаткам міжнароднага спаборніцкага сезону і не сумняваемся, што далей - толькі вышэй!